Kirmen Uribe idazle ondarrutarrak idatzitako 'Elkarrekin esnatzeko ordua' eleberriak jasoko du 2016ko 111 Akademiaren Saria. Ekitaldia maiatzaren 11n ospatuko da, Andoaingo Bastero kulturgunean, arratsaldeko 19.30ean.
Hiru bozketa txandatan garatu da aukeraketa prozesua, urtarrilean hasi eta apirilaren 17an amaitu dena. Lehenengo txandan, 2016an gogokoen izan zuten liburuaren alde bozkatzeko eskatu zitzaien 197 akademiakideei, eta lehen txanda horretan saridun izendatzeko behar zen botoen %30 lortu zuen obrarik egon ez zenez, akademiak ohiko prozedura jarraitu eta beste bi bozketa txanda egin zituen.
Hirugarren eta azken txandan Kirmen Uriberen 'Elkarrekin esnatzeko ordua' eta Pello Lizarralderen 'Elur bustia' izan ziren bi finalistak, eta idazle ondarrutarraren lana atera da garaile.
No hay comentarios:
Publicar un comentario